पाल्पा । पाल्पाकोे रिब्दीकोट गाउँपालिका–७ पालुङ्गमा एक घर एक धारा जडान गरिएको छ । घरघरमा खानेपानीका धारा जडान गरिएपछि पानीकै लागि कुवा धाउनुपर्ने बाध्यता टरेको हो ।
पानीको अभावका कारण घण्टौँ समय खर्चिनुपर्ने अवस्थामा घरघरमा खानेपानीको धारा जडान भएपछि स्थानीयवासी उत्साहित भएका छन् । करिब रु १० लाख ७१ हजार ७२६ बजेटबाट खानेपानी योजना पूरा गरी ४२ घरमा खानेपानीको धारा जडान गरिएको हो ।
गाउँपालिका अध्यक्ष नारायणबहादुर जिसीले एक घर एक धारा जडान कार्यक्रमको उद्घाटन गर्दै नागरिकका आधारभूत समस्या समाधानमा गाउँपालिका लागि परेको बताउनुभयो । गाउँपालिका उपाध्यक्ष लक्ष्मी खनालले नागरिकलाई एक घर एक धारा अभियान अन्तर्गत खानेपानी योजना सम्पन्न भएपछि स्थानीयवासी उत्साहित भएको बताउनुभयो । उहाँले खानेपानीको सुविधा सम्पन्न भएपछि सबैभन्दा बढी फाइदा महिला तथा बालबालिकालाई भएको छ भन्नुभयो ।
वि.सं.२०७८ चैत ६ आइतवार १३:११ मा प्रकाशित
