काठमाडौं । प्राइम कमर्सियल बैंक ऋणपत्र निष्काशन गर्ने भएको छ । बैंकले आउँदो चैत १६ गतेदेखि ऋणपत्र बिक्री गर्ने भएको हो ।
बैंकले प्रतिकित्ता १ हजार रुपैयाँ अंकित मूल्यका २ अर्ब ५० करोड बराबरको २५ लाख कित्ता ऋणपत्र निष्कासन गर्न लागेको हो ।
बैंकले निष्कासन गर्न लागेको ऋणपत्रको नाम ‘१० प्रतिशत प्राइम डिबेन्चर २०८८’ रहेको छ । कुल कित्ता ऋणपत्रमध्ये १ अर्ब बराबरको १० लाख कित्ता बैंकले सर्वसाधारणलाई र बाँकी १ अर्ब ५० करोड बराबरको १५ लाख कित्ता भने व्यक्तिगत तवरबाट विभिन्न संघसंस्थाहरुलाई बिक्री गरिने बैंकले जनाएको छ । सर्वसाधारणका लागि बिक्री गरिने ऋणपत्रमध्ये पनि ५० हजार कित्ता सामूहिक लगानी कोषका लागि सुरक्षित गरिएको छ ।
उक्त ऋणपत्रमा छिटोमा चैत २१ गतेसम्म र ढिलोमा चैत ३० गतेसम्म आवेदन दिन सकिनेछ । ऋणपत्र खरिदका लागि न्यूनतम २५ कित्तादेखि अधिकतम ५ लाख कित्ताका लागि आवेदन दिन सकिने छ ।
बैंकको ऋणपत्र निष्कासन तथा बिक्री प्रबन्धक आरबिबि मर्चेन्ट बैंकिङ्ग लिमिटेड रहेको छ ।
वि.सं.२०७८ चैत ८ मंगलवार १०:४४ मा प्रकाशित
