काठमाडौं । नेपाली बजारमा सुनको मूल्य फेरि एक लाख नाघेको छ । मंगलबार छापावाला सुनको मूल्य प्रतितोला ८ सय रुपैयाँले वृद्धि भएको हो ।
सोमबार ९९ हजार ५ सय रुपैयाँमा कारोबार भएको सुन आज बढेर १ लाख ३ सय रुपैयाँ कायम भएको छ ।
नेपाल सुनचाँदी व्यवसायी महासंघका अनुसार आज तेजावी सुनको मूल्य भने ९९ हजार ८ सय रुपैयाँ तोकिएको छ । तेजावी सुन अघिल्लो दिन भने ९९ हजार रुपैयाँ खरिदबिक्री भएको थियो ।
यस्तै, साताको तेस्रो कारोबार दिन चाँदीको मूल्य पनि वृद्धि भएको छ । आज चाँदी प्रतितोला २० रुपैयाँले वृद्धि भई १ हजार ३९५ रुपैयाँ पुगेको छ । सोमबार भने १ हजार ३७५ रुपैयाँमा कारोबार भएको थियो ।
वि.सं.२०७८ चैत ८ मंगलवार १०:५२ मा प्रकाशित