काठमाडौं । साताको तेस्रो कारोबार दिन सेयर बजार दोहोरो अंकले वृद्धि भएको छ । उक्त दिन बजार १६.०४ अंकले वृद्धि भएको हो ।
मंगलबार बजार परिसुचक २६५०.७० अंकको बिन्दुमा पुगेर बन्द भएको छ । उक्त दिन व्यापार समूह २६.५३ अंकले घटेको छ भने यस बाहेक सबै समहूहरु हरियाली बनेका छन् ।
उक्त दिन २ अर्ब ५१ करोड ८८ लाख ९४ हजार रुपैयाँ बराबरको सेयर कारोबार भएको छ । आज दुई कम्पनीको सर्वाधिक सेयर कारोबार भएको छ ।
उक्त दिन प्रभु इन्स्योरेन्स कम्पनीको सबैभन्दा बढी १५ करोड ३३ लाख ४० हजार रुपैयाँ बराबरको सेयर कारोबार भएको छ ।
कारोबार रकमकै आधारमा दोस्रो स्थानमा रहेको नेपाल टेलिकमको १० करोड ७१ लाख ९६ हजार रुपैयाँ बराबरको सेयर खरिदबिक्री भएको छ ।
वि.सं.२०७८ चैत ८ मंगलवार १५:१० मा प्रकाशित