काठमाडौं । साताको अन्तिम कारोबार दिन सुनको मूल्य वृद्धि भएको छ । शुक्रबार नेपाली बजारमा छापावाला सुनको मूल्य तोलामा ६ सय रुपैयाँले वृद्धि भएको हो ।
अघिल्लो दिन अर्थात बिहीबार १ लाख ३ सय रुपैयाँमा कारोबार भएको सुन आज बढेर १ लाख ९ सय रुपैयाँ कायम भएको हो ।
नेपाल सुनचाँदी व्यवसायी महासंघले आजका लागि तेजावी सुनको मूल्य भने १ लाख ४ सय रुपैयाँ कायम गरेको छ । तेजावी सुन बिहीबार ९९ हजार ८ सय रुपैयाँमा कारोबार भएको थियो ।
यस्तै, उक्त दिन चाँदीको मूल्य पनि वृद्धि भएको छ । आज चाँदी प्रतितोला २५ रुपैयाँले वृद्धि भई १ हजार ४ सय रुपैयाँ पुगेको छ । बिहीबार भने १ हजार ३७५ रुपैयाँमा कारोबार भएको थियो ।
वि.सं.२०७८ चैत ११ शुक्रवार १०:५० मा प्रकाशित