काठमाडौं । तीन कम्पनीको सेयर मूल्यमा सकरात्मक सर्किट लागेको छ । यति बेला जनरल इन्स्योरेन्ससहित तीन कम्पनीको सेयर मूल्यमा उछाल आएको छ ।
यो समाचार तयार गर्ने बेलासम्म जनरल इन्स्योरेन्स कम्पनीको सेयर मूल्य १० प्रतिशत अर्थात प्रतिकित्ता ६० रुपैयाँले वृद्धि भएको हो । योसंगै कम्पनीको सेयर मूल्य ६६० रुपैयाँ १० पैसका कायम भएको छ ।
यस्तै, यति बेला सानिमा जनरल इन्स्योरेन्सको सेयर मूल्य पनि १० प्रतिशत अर्थात प्रतिकित्ता ६० रुपैयाँले बढेर ६६० रुपैयाँ कायम भएको छ ।
त्यसैगरि जीवन विकास लघुवित्त वित्तीय संस्थाको सेयर मूल्यमा पनि सकरात्मक सर्किट लागेको छ । कम्पनीको सेयर मूल्य १० प्रतिशत अर्थात प्रतिकित्ता ३ सय रुपैयाँले वृृद्धि भई ३ हजार ३ सय रुपैयाँ कायम भएको छ ।
यो समाचार तयार गर्ने बेलासम्म इमर्जिङ्ग नेपालको सेयर मूल्य ९.९९ प्रतिशत, राष्ट्र उत्थान लघुवित्त वित्तीय संस्थाको ९.९९ प्रतिशत र प्रभु लाइफ इन्स्योरेन्सको ९.७१ प्रतिशतले वृद्धि भएको छ ।
वि.सं.२०७८ चैत १३ आइतवार १२:५७ मा प्रकाशित