काठमाडौं । नेपाल राष्ट्र बैंकले एकीकृत परिपत्र–२०७८ संशोधन गरेको छ ।
बैंकले विदेशी विनिमय कारोबार गर्न इजाजतपत्र प्राप्त निकायलाई जारी गरिएको उक्त परिपत्र संशोधन गरेको हो ।
राष्ट्र बैंकले एकीकृत परिपत्र–२०७८ को एकीकृत इ.प्रां परिपत्रः ०१/२०७८ को दफा १.१.१ को खण्ड (ग) अन्तर्गत उपखण्ड (९) थप गरिएको जनाएको छ ।
जसअन्तर्गत अन्तर्राष्ट्रिय व्यापारका लागि जारी हुने प्रतीतपत्र प्रचलित व्यवस्था बमोजिम चोभारको सुक्खा बन्दरगाह भन्सार कार्यालय नाम हुने गरि समेत जारी गर्न सकिने छ ।
साथै मेची, विराटनगर, बीरगञ्ज, सुक्खा बन्दरगाह सिर्सिया र भैरहवा भन्सार कार्यालयबाट पैठारीगर्ने गरि प्रतीपत्र जारी भैसकेका मालवस्तुको समते पैठारीकर्ताको माग भएमा प्रचलित व्यवस्था बमोजिम चोभार सुक्खा बन्दरगाह भन्सार कार्यालयको नाममा भन्सार विन्दु परिवर्त गर्न सकिने राष्ट्र बैंकल जनाएको छ ।
वि.सं.२०७८ चैत १५ मंगलवार १७:०४ मा प्रकाशित