काठमाडौं । आज अर्थात चैत १६ गतेदेखि बलेफी हाईड्रोपावर कम्पनीको आईपीओ निष्काशन तथा बिक्री खुला भएको छ ।
कम्पनीले १८ करोड २७ लाख ९७ हजार रुपैयाँ बराबरको प्रतिसेयर १०० अंकितमूल्यका १८ लाख २७ हजार ९७० कित्ता आईपीओ निष्काशन गरेको हो ।
कम्पनीले निष्काशन गर्ने कुल सेयरमध्ये ७३ हजार ११९ कित्ता कम्पनीका कर्मचारीहरुका लागि, ९१ हजार ३९८ कित्ता सेयर सामूहिक लगानी कोषहरुलाई र बाँकी रहेको १६ लाख ६३ हजार ४५३ कित्ता सेयर सर्वसाधारणका छुट्याएको छ ।
कम्पनीको आईपीओमा छिटोमा चैत २१ गते हुने र ढिलोमा चैत ३० गतेसम्म आवेदन दिन सकिनेछ । लगानीकर्ताले न्यूनतम १० कित्ता र अधिकतममा १ लाख कित्ताका लागि आवेदन दिन सक्नेछन् ।
कम्पनीको सेयर निष्काशन तथा बिक्री प्रबन्धक ग्लोबल आइएमई क्यापिटल लिमिटेड रहेको छ ।
वि.सं.२०७८ चैत १६ बुधवार ०८:३७ मा प्रकाशित
