काठमाडौं । प्रुडेन्सियल इन्स्योरेन्स कम्पनीले साधारण सभाका लागि मिति तय गरेको छ । कम्पनीले आउँदो बैशाख ११ गते वार्षिक साधारण सभा बोलाएको हो ।
कम्पनीको सभाले लाभांश पारित गर्ने मुख्य एजेण्डा रहेको छ । कम्पनीको सभाले गत आर्थिक वर्ष २०७७/७८ को मुनाफाबाट ७ प्रतिशत बोनस सेयर र कर प्रयोजनका लागि ०.३६८ प्रतिशत नगद लाभांश वितरण गर्ने प्रस्ताव पारित गर्ने छ ।
सभामा आव २०७७/७८ को वार्षिक प्रतिवेदनबारे छलफल गरी पारित गर्ने, आव २०७७/७८ को लेखापरीक्षण प्रतिवेदन, वासलात, नाफा नोक्सान हिसाब र सोहि अवधिको नगद प्रवाह विवरण लगायतका वित्तिय विवरणहरू छलफल गरी पारित गर्ने छ ।
सोही सभाले आर्थिक वर्ष २०७७/७९ को लागि लेखापरीक्षक नियुक्ति गरी निजको पारिश्रमिक तोक्ने प्रस्ताव पारित गर्ने छ ।
कम्पनीले साधारण सभा तथा लाभांश वितरण प्रयोजनका लागि २४ चैत्र बुक क्लोज गर्ने भएको छ ।
वि.सं.२०७८ चैत १६ बुधवार १४:०० मा प्रकाशित
