काठमाडौं । सनराइज बैंकले संस्थापक सेयर बिक्री गर्ने भएको छ ।
बैंकले संस्थापक सेयरधनी भरतकुमार श्रेष्ठको नाममा रहेको १ लाख ९५ हजार ७५६ कित्ता संस्थापक सेयर बिक्री गर्न लागेको हो । उक्त सेयरको बिक्री मूल्य प्रतिकित्ता १४५ रुपैयाँ तोकिएको छ ।
उक्त सेयर खरिद गर्न इच्छुक बैंकका संस्थापक सेयरधनीहरुले आवेदन दिन सक्नेछन् । आवेदन आजैका मितिले ३५ दिनभित्र बैंकको प्रधान कार्यालय, गैह्रिधारा स्थित सेयर रजिष्ट्री विभागमा लाहाछापसहितको शिलबन्दी निवेदन पेश गर्नुपर्नेछ ।
बैंकका अनुसार शिलबन्दी खाममा निवेदकको नाम र सम्पर्क नम्बर उल्लेख गर्नुपर्नेछ र प्राप्त निवेदनहरु बैंकको कार्यविधि बमोजिम खोलिने सूचनामा उल्लेख छ ।
संस्थापक सेयर खरिदकर्ता संस्थापक निवेदकहरुले संस्थापक सेयर खरिदका लागि नेपाल राष्ट्र बैंकबाट जारी गरिएको एकीकृत निर्देशन बमोजिमका रीतपूर्वक सम्पूण आवश्यक कागजातहरु शिलबन्दी निवेदन साथ संलग्न गरि पेश गनुपर्ने बैंकले जनाएकोछ ।
वि.सं.२०७८ चैत २१ सोमवार ११:५३ मा प्रकाशित
