काठमाडौं । आजदेखि अपि पावर कम्पनी लिमिटेडले हकप्रद सेयर निष्काशन तथा बिक्री खुला भएको छ ।
कम्पनीले १०० रुपैयाँ अंकित दरका १ अर्ब ८ करोड ६० लाख रुपैयाँ बराबरको १ करोड ८ लाख ६० हजार कित्ता हकप्रद निष्काशन तथा बिक्री खुला गरेको हो ।
हकप्रद सेयर निकाशन प्रयोजनका लािग कम्पनीले चैत १४ गते एक दिन बुक क्लोज गरेको छ । जसका आधारमा चैत १३ गतेसम्म कायम सेयरधनीहरुले मात्र आवेदन दिन सक्नेछन् ।
कम्पनीको हकप्रद सेयर खरिदका लागि वैशाख १५ गतेसम्म आवेदन दिन सकिने कम्पनीले जनाएको छ ।
कम्पनीको हकप्रद सेयरको बिक्री प्रबन्धक मुक्तिनाथ क्यापिटल लिमिटेड रहेको छ ।
वि.सं.२०७८ चैत २५ शुक्रवार ०८:१८ मा प्रकाशित