काठमाडौं । साताको पहिलो कारोबार दिन दुई कम्पनीको सेयर मूल्यमा उछाल आएको छ ।
उक्त दिन नेष्डो समृद्धि लघुवित्त वित्तीय संस्था र जाल्पा सामुदायिक लघुवित्त वित्तीय संस्थाको सेयर मूल्यमा उछाल आएको हो ।
उक्त दिन नेष्डो समृद्धि लघुवित्तको सेयर मूल्यमा सकरात्मक सर्किट लागेका हो । कम्पनीको सेयर मूल्य १० प्रतिशत अर्थात प्रतिकित्ता १७० रुपैयाँले वृद्धि भएको हो । योसंगै कम्पनीको सेयर मूल्य १ हजार ८७० रुपैयाँ कायम भएको छ ।
यस्तै, आज जाल्पा सामुदायिक लघुवित्तको सेयर मूल्य पनि उच्च दरमा वृद्धि भएको छ । कम्पनीको सेयर मूल्य ९.९९ प्रतिशत अर्थात प्रतिकित्ता ४४ रुपैयाँ ६० पैसाले वृद्धि भएको हो । योसंगै कम्पनीको सेयर मूल्य ४९१ रुपैयाँ १० पैसा कायम भएको छ ।
वि.सं.२०७८ चैत २८ सोमवार १५:२८ मा प्रकाशित
