काठमाडौं । साताको पहिलो कारोबार दिन सेयर बजारमा भारी गिरावट भएको छ । उक्त दिन बजार ४४.६४ अंकले घटेको हो ।
सोबार बजार परिसुचक २४१९.७१ अंकको बिन्दुमा पुगेर बन्द भएको छ । उक्त दिन सबै समूहहरु राताम्मे बनेका छन् ।
आज २ अर्ब २६ करोड ७ लाख ८६ हजार रुपैयाँ बराबरको सेयर कारोबार भएको छ । उक्त दिन नेपाल लाइफ इन्स्योरेन्स कम्पनीको सर्वाधिक कारोबार भएको छ । आज कम्पनीको १६ करोड ५२ लाख ८० हजार रुपैयाँ बराबरको सेयर खरिदबिक्री भएको हो ।
कारोबार रकमकै आधारामा दोस्रो स्थानमा रहेको नेपाल इन्फ्रास्ट्रक्चर बैंकको ७ करोड २१ लाख २० हजार रुपैयाँ बराबरको सेयर कारोबार भएको छ ।
वि.सं.२०७८ चैत २८ सोमवार १५:१३ मा प्रकाशित
