काठमाडौं । भोलि अर्थात चैत ३० गते दुई कम्पनीको साधारण सभा हुँदैछ ।
उक्त दिन सिद्धार्थ इन्स्योरेन्स र साल्ट ट्रेडिङ कर्पोरेशनले सभा गर्न लागेका हुन् । बुधवार हुने यी दुवै कम्पनीको सभामा लाभांश पारित गर्ने मुख्य एजेण्डा रहेको छ ।
सिद्धार्थ इन्स्योरेन्स कम्पनीले २०औं वार्षिक साधारण सभा भोलि हुँदैछ । कम्पनीको चैत ८ गते बसेको सञ्चालक समितिको बैठकले उक्त दिन सभा गर्ने निर्णय गरेको हो ।
सभाले सेयरधनीलाई १५ प्रतिशत बोनस सेयर र कर प्रयोजनका लागि ०.७८९५ प्रतिशत नगद लाभांश वितरण गर्ने प्रस्ताव पारित गर्नेछ ।
सभामा स्वतन्त्र (विज्ञ) सञ्चालकको नियुक्ती अनुमोदन गर्ने, कम्पनीको प्रवन्धपत्र र नियमावलीमा संशोधन गर्ने प्रस्तावहरु रहेका छन् ।
यसका साथै सभाले निर्जीवन बीमा व्यवसाय गर्ने उपयुक्त कम्पनीसँग गाभ्ने गाभिने तथा प्राप्ति गर्न परेमा सो सम्बन्धी सम्पूर्ण कार्य गर्न सञ्चालक समितिलाई अख्तियारी प्रदान गर्नेछ ।
साधारण सभा तथा लाभांश प्रयोजनका लागि कम्पनीले चैत १७ गते (एक दिन) बुक क्लोज गरेको छ ।
यस्तै, भोलि साल्ट ट्रेडिङ कर्पोरेशनले ५५औं वार्षिक साधारण सभा गर्ने भएको छ ।
कम्पनीको चैत ६ गते बसेको संचालनक समितिको बैठकले उक्त दिन सभा गर्ने निर्णय गरेको हो । सभामा लाभांश पारित गर्ने मुख्य एजेण्डा रहेको छ ।
सभाले आर्थिक २०७७/७८ को नाफाबाट प्रस्तावित १० प्रतिशत बोनस सेयर र कर प्रयोजनका लागि ०.५० प्रतिशत नगद लाभांश वितरण गर्ने प्रस्ताव पारित गर्नेछ ।
सोही सभाले आव २०७८/७९ को लागि लेखापरिक्षकको नियुक्ती गर्ने प्रस्ताव पनि पारित गर्ने निजको पारिश्रमिक अनुमोदन गर्नेछ ।
उक्त साधारण सभा र लाभांश वितरण प्रयोजनको चैत १५ गते देखि ३० गते सम्म बुक क्लोज गर्ने
वि.सं.२०७८ चैत २९ मंगलवार १९:०४ मा प्रकाशित