काठमाडौं । सन् २०२२ मा नेपालको आर्थिक वृद्धिदर ४.१ प्रतिशत कायम रहने प्रक्षेपण गरेको छ । अन्तरराष्ट्रिय मुद्रा कोष (आईएमफ) ले यस्तो प्रक्षेपण गरेको हो ।
आईएमफले यो वर्ष नेपालका लागि बहुराष्ट्रिय निकायहरु विश्व बैंक र एशियाली विकास बैंकले यसअघि गरेको प्रक्षेपणको निकट रहेर आर्थिक वृद्धिदरको प्रक्षेपण सार्वजनिक गरेको हो ।
आइएमएफका अनुसार एशियाली भेगका विकासशिल मुलुकमा औसतः ५ दशमलव ४ प्रतिशतको आर्थिक वृद्धिदर कायम रहने छ ।
एशियाका विकसित मुलुकको भने २. ७ प्रतिशत आर्थिक वृद्धिदर कायम रहने छ । आइएमएफका अनुसार दक्षिण एशियाली राष्ट्र अन्तर्गत भारतले ८.२, बंगलादेशले ६ दशमलव ४, श्रीलंकाले २.६ प्रतिशतको आर्थिक वृद्धिदर प्राप्त गर्नेछ ।
यसअघि विश्व बैंकले पनि नेपालका आर्थिक वृद्धिदर ३.७ प्रतिशत कायम रहने प्रक्षेपण गरेको थियो । तर नेपाल सरकारले भने बजेटमार्फत ७ प्रतिशत हाराहारीको आर्थिक वृद्धिदर कायम गर्ने लक्ष्य लिएको छ ।
वि.सं.२०७९ वैशाख १३ मंगलवार १२:५५ मा प्रकाशित
