काठमाडौं । सनराइज बैंकले संस्थापक सेयर बिक्री गर्ने भएको छ ।
बैंकले संस्थापक सेयरधनी निर्मल प्रधानको नाममा रहेको १ लाख १० हजार २५७ कित्ता संस्थापक सेयर आज (आइतवार) देखि बिक्रीमा आएको हो ।
उक्त सेयर खरिदका लागि बैंकका विद्यमान संस्थापक सेयरधनीहरुले आवेदन दिन सक्नेछन् । उक्त बिक्री मूल्य प्रतिकित्ता १६० रुपैयाँ तोकिएको छ ।
उक्त सेयर खरिदका लागि विद्यमान संस्थापकहरुले आजैका मितिले ३५ दिनभित्र निवेदन पेश गर्नुपर्नेछ । खरिदकर्ताले के कति मूल्यमा खरिद गर्ने हो खुलाई बैंकको प्रधान कार्यालय, गैह्रिधारा स्थितको रजिष्ट्री विभागमा शिलबन्दी पेश गर्नु पर्नेछ ।
तोकिएको उक्त अवधिमा विद्यमान संस्थापक सेयरधनीहरुले सेयर खरिदका लागि आवेदन नदिएको खण्डमा भने प्रचलित कानून बमोजिम अन्य बिक्री प्रक्रिया अघि बढाईने बैंकले जनाएको छ ।
वि.सं.२०७९ वैशाख १८ आइतवार १२:१३ मा प्रकाशित
