काठमाडौं । दुई कम्पनीले विशेष साधारण सभा बोलाएका छन् । युनियन हाइड्रोपावर र महालक्ष्मी लाइफ इन्स्योरेन्स कम्पनीले विशेष साधारण सभा बोलाएका हुन् ।
विभिन्न प्रस्ताव पारितका लागि युनियन हाइड्रोपावर बैशाख २३ गते र महालक्ष्मी लाइफ इन्स्योरेन्सले बैशाख २५ गते विशेष साधारण सभा गर्न लागेका हुन् ।
बैशाख २३ गते हुने युनियन हाइड्रोपावरको विशेष साधारण कम्पनीको रजिष्टर्ड कार्यालय, धोबीघाट, काठमाडौँमा बिहान ११ बजेदेखि सुरू हुनेछ ।
सभामा कम्पनीको प्रबन्धपत्रको दफामा संशोधन गर्ने प्रस्ताव पारित गरिनेछ । सभाले कम्पनीको प्रबन्धकको दफा ६ (क) र (ख) मा संशोधन गर्नेछ ।
साथै सभामा संचालक विष्णु प्रसाद पाण्डेको राजिनामा स्वीकृत तथा नयाँ संचालक नियुक्त गर्ने कार्य सूचि रहेको छ ।
कम्पनीले कोभिड–१९ को संक्रमणको जोखि अन्त्य नभइसकेको अवस्थालाई मध्यनजर गर्दै भर्चुअल माध्यमबाट बस्ने गरी सभा बोलाएको हो ।
यस्तै, महालक्ष्मी लाइफ इन्स्योरेन्स कम्पनीले विशेष साधारण सभा आगामी वैशाख २५ गते गर्ने भएको छ । सभा होटल कमलपोखरी, काठमाडौंमा बिहान ११ बजे शुरु हुनेछ ।
सभाले कम्पनीको पूँजी वृद्धि गरी अधिकृत पूँजी ५ अर्ब रुपैयाँ र जारी पूँजी ३ अर्ब रुपैयाँ पुरयाउने र सोही बमोजिम कम्पनीको प्रबन्धपत्र तथा नियमावलीमा प्रस्ताव भए बमोजिम संशोधन गर्ने विशेष प्रस्ताव पारित गर्नेछ ।
सभाले सर्वसाधारणलका लागि आईपीओ निष्काशन गर्ने प्रस्ताव पातिर गर्नेछ ।
यसका साथै कम्पनी र अन्य कुनै पनि जीवन कम्पनी एक आपसमा गाभ्न/गाभिन वा प्राप्ति गर्न आवश्यक भएको अवस्थामा सो सम्बन्धी सम्पूर्ण कार्य गर्न सञ्चालक समितिलाई अख्तियारी प्रदान गर्ने प्रस्ताव पनि पारित गर्नेछ ।
वि.सं.२०७९ वैशाख २० मंगलवार १४:०८ मा प्रकाशित