काठमाडौं । आज अर्थात बैशाख २३ गते विभिन्न तीन कम्पनीको विशेष तथा साधारण सभा हुँदैछ ।
उक्त दिन युनियन लाइफ इन्स्योरेन्स, युनियन हाइड्रोपावर र श्री रघुपति जुट मिल्सले सभा आयोजना गरेका हुन् ।
यीमध्ये युनियन लाईफ इन्स्योरेन्स र रघुपति जुट मिल्स साधारण सभा रहेको छ भने युनियन हाइड्रोपावरले विशेष सभा बोलाएको हो ।
आज युनियन लाईफ इन्स्योरेन्स कम्पनीले सभा टाइगर प्यालेस रिसोर्ट भैरहवामा बिहान १०ः३० बजे सुरु हुनेछ ।
कम्पनीको सभामा वार्षिक विवरण पारित गर्ने, लेखापरीक्षकको नियुक्ति र निजको पारिश्रमिक निर्धारण हुने छ ।
यसका साथै कम्पनीले कुनै उपयुक्त जीवन बीमासँग एक आपसमा गाभ्ने÷गाभिने लगायतका प्रस्तावहरू पारित गर्नेछ ।
साधारण सभा प्रयोजनार्थ कम्पनीले वैशाख १३ गते बुकक्लोज गरेको थियो । जसअनुसार वैशाख १२ गतेसम्म कायम सेयरधनीहरू मात्रै साधारण सभामा सहभागी हुन पाउनेछन् ।
सभाको विशेष प्रस्ताव अन्तर्गत सभाले सामूहिक लगानी कोष सञ्चालन गर्ने र सोको स्थापनार्थ प्रबन्धपत्रमा उद्देश्य थप गर्ने विशेष प्रस्ताव अनुमोदन गर्ने जनाएको छ ।
यस्तै, युनियन हाइड्रोपावर कम्पनीको विशेष साधारण सभा पनि आज हुँदैछ । सभा कम्पनीको रजिष्टर्ड कार्यालय, धोबीघाट, काठमाडौँमा बिहान ११ बजेदेखि सुरू हुनेछ ।
सभामा कम्पनीको प्रबन्धपत्रको दफामा संशोधन गर्ने प्रस्ताव पारित गरिनेछ । सभाले कम्पनीको प्रबन्धकको दफा ६ (क) र (ख) मा संशोधन गर्नेछ ।
साथै सभामा संचालक विष्णु प्रसाद पाण्डेको राजिनामा स्वीकृत तथा नयाँ संचालक नियुक्त गर्ने कार्य सूचि रहेको छ ।
कम्पनीले कोभिड–१९ को संक्रमणको जोखि अन्त्य नभइसकेको अवस्थालाई मध्यनजर गर्दै भर्चुअल माध्यमबाट बस्ने गरी सभा बोलाएको हो ।
त्यसैगरि श्री रघुपति जुट मिल्सको २४औं वार्षिक साधारण सभा पनि बैशाख २३ गते हुने भएको छ ।
सभा सावित्री इन्टरनेशनल (बिग होटल) को सभाकक्ष रोडशेष, विराटनगरमा बिहान ११ बजे शुरु हुने कम्पनीले जनाएको छ ।
सभाको प्रस्तावमा आर्थिक वर्ष २०७७/७८ को वार्षिक प्रतिवेदन छलफल गरी पारित गर्नेछ ।
साथै सभाले आर्थिक वर्ष २०७८/७९ को लागि लेखापरीक्षकको नियुक्ति र निजको पारीश्रमिक तोक्ने लगायतका विविध विषयमा छलफल गरी पारित गर्नेछ ।
वि.सं.२०७९ वैशाख २३ शुक्रवार ११:०२ मा प्रकाशित
