काठमाडौं । चालु आर्थिक वर्ष २०७८/७९ को तेस्रो त्रैमासमा सबैको लघुवित्त वित्तीय संस्थाले ७ करोड १४ लाख ९७ हजार रुपैयाँ नाफा गरेको छ ।
शुक्रबार कम्पनीले सार्वजनिक गरेको चालु आवको तेस्रो त्रैमासिक वित्तीय विवरणले यस्तो देखाएको हो । जुन गत वर्षको सोही अवधिको तुलनामा ९.७५ प्रतिशतले कमी हो । गत वर्षको तेस्रो त्रैमासमा कम्पनीले ७ करोड ९२ लाख ७० हजार रुपैयाँ नाफा गरेको थियो ।
चालु आवको नौ महिनामा कम्पनीको खुद ब्याज आम्दानी ३१.०३ प्रतिशतले वृद्धि भई १९ करोड १७ लाख ८४ हजार रुपैयाँ पुगेको छ । गत वर्षको चैत मसान्तसम्ममा कम्पनीको यो आम्दानी १४ करोड ६३ लाख ६९ हजार रुपैयाँ रहेको थियो ।
कम्पनीको संचालन मुनाफा पनि २७.७४ प्रतिशतले वृद्धि भई २५ करोड ६३ लाख ७९ हजार रुपैयाँ पुर्याएको छ ।
कम्पनीको चुक्ता पुँजी २७ करोड रुपैयाँ रहेको छ । कम्पनीले जगेडा तथा कोषमा भने १३ करोड २३ लाख ९९ हजार रुपैयाँ राखेको छ ।
उक्त अवधिमा कम्पनीले खराब कर्जा भने ०.३८ प्रतिशतले घटाएर १.३३ प्रतिशतमा झारेको छ । गत वर्षको तेस्रो त्रैमासमा कम्पनीको खराब कर्जा १.६१ प्रतिशत रहेको थियो ।
कम्पनीको प्रतिसेयर आम्दानी ३५ रुपैयाँ ३३ पैसा रहेको छ भने प्रतिसेयर नेवटर्थ १४९ रुपैयाँ ४ पैसा रहेको छ ।
वि.सं.२०७९ वैशाख २३ शुक्रवार ११:५२ मा प्रकाशित