काठमाडौं । आईपीओ निष्काशनका लागि दुई कम्पनीले नियामक निकाय नेपाल धितोपत्र बोर्डमा निवेदन पेश गरेका छन् ।
आईपीओ निष्काशनका लागि श्रृजनशील लघुवित्त वित्तीय संस्था र माया खोला हाइड्रोपावर कम्पनीले बोर्डमा निवेदन दिएका हुन् ।
श्रृजनशील लघुवित्तले प्रतिकित्ता १०० रूपैयाँ अंकित दरमा ३ करोड ९३ लाख ७५ हजार रूपैयाँ बराबरको आईपीओ निष्काशन गर्न बोर्डमा निवेदन दिएको छ ।
कम्पनीले ३ लाख ९३ हजार ७ सय ५० कित्ता साधारण सेयर (आईपीओ) निष्काशन गर्नको लागि वैशाख २२ गते सेबोनमा निवेदन पेश गरेको हो ।
कम्पनीको बिक्री प्रबन्धकमा सनराईज क्यापिटल रहेको छ ।
यस्तै, माया खोला हाइड्रोपावरले आयोजना प्रभावित क्षेत्रका स्थानीय तथा सर्वसाधारणका लागि आईपीओ निष्काशन गर्न बोर्डमाव निवेदन दिएको हो ।
कम्पनीले प्रतिकित्ता १०० रुपैयाँ अंकित दरमा ३४ करोड रुपैयाँ बराबरको ३४ लाख कित्ता आईपीओ निष्काशन गर्न लागेको हो ।
आईपीओ निष्काशनको लागि कम्पनीले बैशाख २८ गते बोर्डमा निवेदन दिएको हो । कम्पनीको आईपीओ निष्काशन तथा बिक्री प्रबन्धकमा प्रभु क्यापिटल रहेको छ ।
वि.सं.२०७९ जेठ ५ बिहीवार ११:१५ मा प्रकाशित