काठमाडौं। साताको अन्तिम दिन सुनचाँदी दुवैको मूल्य बढेको छ। अघिल्लो दिनका तुलनामा शुक्रबार सुन तोलामा १ हजार र चाँदी १५ रुपैयाँ बढेको छ।
नेपाल सुनचाँदी व्यवसायी महासंघका अनुसार शुक्रबार सुनको कारोबार मूल्य प्रतितोला ९७ हजार ३०० रुपैयाँ निर्धारण भएको छ। बिहीबार ९६ हजार ३०० रुपैयाँमा किनबेच भएको थियो।
शुक्रबारका लागि चाँदीको मूल्य तोलाको १२ सय ७० रुपैयाँ भएको छ। यो मूल्य सातामै सर्वाधिक हो भने बिहीबारका तुलनामा १५ रुपैयाँले बढी हो। बिहीबार १२ सय ५५ रुपैयाँमा कारोबार भएको थियो। साताको पहिलो दिन तोलाको १२ सय ४० भएको थियो।
वि.सं.२०७९ जेठ ६ शुक्रवार ११:४८ मा प्रकाशित