काठमाडौं । बिहीवार मेगा बैंक लिमिटेडको सेयर मूल्यमा उछाल आएको छ । आज बैंकको सेयर मूल्यमा सकरात्मक सर्किट लागेको हो ।
साताको चौथो कारोबार दिन बैंकको सेयर मूल्य १० प्रतिशत अर्थात प्रतिकित्ता २२ रुपैयाँ ५० पैसाले वृद्धि भएको हो । योसंगै बैंकको सेयर मूल्य २४७ रुपैयाँ ५० पैसा कायम भएको छ ।
यस्तै, उक्त दिन नारायणी डेभलपमेन्ट बैंकको सेयर मूल्य पनि उच्च दरमा वृद्धि भएको छ ।
आज कम्पनीको सेयर मूल्य ६.२० प्रतिशतले वृद्धि भएको हो । आज कम्पनीको सेयर मूल्य प्रतिकित्ता २२ रुपैयाँले वृद्धि भई ३७७ रुपैयाँ पुगेको छ ।
त्यसैगरि विहीबार कुमारी इक्विटी फण्डको सेयर मूल्य पनि ५.२६ प्रतिशतले वृद्धि भएको छ । आज फण्डको सेयर मूल्य प्रतिइकाई ४७ पैसाले वृद्धि भई ९ रुपैयाँ ४० पैसा कायम भएको छ ।
वि.सं.२०७९ जेठ १२ बिहीवार १५:३९ मा प्रकाशित
