काठमाडौं । साल्ट ट्रेडिङ कर्पोरेशन बोनस सेयर वितरण सुरु गरेको छ ।
कम्पनीले यस वर्षका लागि वितरण गर्ने निर्णय गरेको १० प्रतिशत बोनस सेयर सम्वन्धित सेयरधनीहरुको हितग्राही खाता जम्मा गरिदिएको हो ।
एक सूचना निकाल्दै कम्पनीले चैत १४ गतेसम्म सेयर डिम्याट गराएकाहरुको बोनस सेयर खातामा पठाएको जनाएको छ ।
चैत १४ गतेपछि डिम्याट गर्नेहरुको बोनस पनि खातामै जम्मा गर्ने तयारी भइरहेको कम्पनीले जानकारी दिएको छ ।
तर, अहिलेसम्म पनि डिम्याट नगरेकाहरुले खातामा सेयर पाउनका लागि पहिला आफूसँग भएको भौतिक प्रमाणपत्र डिम्याट गर्नुपर्नेछ । अनिमात्र बोनस सेयर जम्मा हुनेछ ।
हेर्नुहोस्, सूचना
वि.सं.२०७९ जेठ १७ मंगलवार १७:१७ मा प्रकाशित
