काठमाडौं । बुधवार दुई कम्पनीको सेयर मूल्यमा उछाल आएको छ ।
साताको तेस्रो कारोबार दिन मैलुङ खोला जलविद्युत र बलेफी हाइड्रोपावर कम्पनीको सेयर मूल्य उच्च दरमा वृद्धि भएको हो ।
उक्त दिन मैलुङ खोला जलविद्युतको सेयर मूल्यमा सकरात्मक सर्किट लागेको छ । कम्पनीको सेयर मूल्य १० प्रतिशत अर्थात प्रतिकित्ता ४८ रुपैयाँले वृद्धि भएको हो । योसंगै कम्पनीको सेयर मूल्य ५२८ रुपैयाँ कायम भएको छ ।
यस्तै, बलेफी हाइड्रोपावरको सेयर मूल्य पनि ९.९४ प्रतिशतले वृद्धि भएको छ । आज कम्पनीको सेयर मूल्य प्रतिकित्ता १२ रुपैयाँ ६० पैसाले वृद्धि भई १३९ रुपैयाँ ४० पैसा कायम भएको छ ।
उक्त दिन नारायणी डेभलपमेन्ट बैंकको सेयर मूल्य ४.२९ प्रतिशत, उपकार लघुवित्त वित्तीय संस्थाको सेयर मूल्य ४.०४ प्रतिशतले वृद्धि भएको छ ।
वि.सं.२०७९ जेठ १८ बुधवार १५:२० मा प्रकाशित