काठमाडौं । सेयर बजारमा निरन्तर गिरावट आएको छ । बुधवार पनि सेयर बजार ७.२१ अंकले घटेको हो ।
उक्त दिन बजार परिसुचक २१३०.७१ अंकको बिन्दुमा पुगेर बन्द भएको छ । आज विकास बैंक समूह २१.४२ अंक, जलविद्युत १६.७२ र फाइनान्स ५.८६ अंकले वृद्धि भएको छ । यी बाहेकका सबै समूहहरु राताम्मे बनेका छन् ।
उक्त दिन कारोबार रकम भने ओरालो लागेको छ । आज १ अर्ब ७ करोड ८४ लाख ८४ हजार रुपैयाँ बराबरको ३० लाख २० हजार ६७ कित्ता सेयर खरिदबिक्री भएको छ ।
आज नेपाल इन्भेष्टमेण्ट बैंकको सबैभन्दा बढी सेयर कारोबार भएको छ । उक्त दिन बैंकको १२ करोड १३ लाख ७३ हजार रुपैयाँ बराबरको सेयर किनबेच भएको हो ।
वि.सं.२०७९ जेठ १८ बुधवार १५:१२ मा प्रकाशित