काठमाडौं । सीवाईसी नेपाल लघुवित्त वित्तीय संस्थाको आईपीओ नेपाल स्टक एक्सचेञ्ज (नेप्से) मा सूचीकृत भएको छ ।
शुक्रबार कम्पनीको १२ लाख १६ हजार ४१८ कित्ता आईपीओ नेप्सेमा सूचीकृत भएको हो । कम्पनीको आईपीओ अब भोलि अर्थात सोमबारदेखि कारोबारमा आउनेछ ।
जेठ २७ गते नेप्से र कम्पनीबीच धितोपत्र सूचीकरण सम्झौता भएसंगै दोस्रो बजारमा सोमबारदेखि कारोबार सुरु हुने भएको हो ।
कम्पनीको आईपीओले पहिलो कारोबारका लागि ३५५ रुपैयाँ ३६ पैसादेखि १ हजार ३३ रुपैयाँ ८ पैसा ओपन रेञ्ज पाउने देखिएको छ ।
कम्पनीको आर्थिक वर्ष २०७७/७८ को वास्तविक प्रतिसेयर नेटवर्थ २४४ रुपैयारुँ ३६ पैसा रहेको छ । जसका कारण कम्पनीको आईपीओले पहिलो कारोबारका लागि ३५५ रुपैयाँ ३६ पैसादेखि १ हजार ३३ रुपैयाँ ८ पैसा ओपन रेञ्ज पाउने देखिएको हो । नेप्सेले पहिलो कारोबारका लागि प्रतिसेयर नेटवर्थको तीन गुणासम्म ओपन रेञ्ज तोक्ने गर्दछ ।
कम्पनीले गत वैशाख २ गतेदेखि ६ गतेसम्म उक्त आईपीओ निष्काशन गरेको थियो ।कम्पनीले ३ करोड ९५ लाख ३३ हजार ६०० रुपैयाँ बराबरको ३ लाख ९५ हजार ३३६ कित्ता आईपीओ निष्काशन गरेको हो ।
कम्पनीले निष्काशन गरेको कुल सेयरमध्ये ६ हजार ८२ कित्ता कर्मचारीहरुका लागि र १९ हजार ७६६ कित्ता सामूहिक लगानी कोषहरुलाई सुरक्षित गरिएको छ भने बाँकी ३ लाख ६९ हजार ४८८ कित्ता सर्वसाधारणका लागि छुट्याएको थियो ।
कम्पनीको आईपीओ बैशाख १५ गते बाँडफाँड भएको थियो । कम्पनीको आईपीओमा मागभन्दा बढी आवेदन परेकाले गोलाप्रथा विधिबाट १० कित्ताका दरले बाँडफाँड गरिएको थियो ।
कम्पनीको आईपीओ ३६ हजार ९४८ जना सर्वसाधारणले १०/१० कित्ता सेयर हात पारेका छन् । यीमध्ये भाग्यमानी ८ जनाले थप १/१ कित्ता सेयर पाएका छन् ।
वि.सं.२०७९ जेठ २९ आइतवार १०:५८ मा प्रकाशित
