काठमाडौं। सरकारले आइतबारको बिदा कटौती गरे पनि सेयर बजार सातामा ६ दिन नै चल्ने भएको छ। सातामा दुई दिन बिदा दिने घोषणासँगै सेयर बजार सञ्चालनको समयावधि प्रभावित भएको थियो।
सरकारले दुई दिन बिदा दिने निर्णय फिर्ता लिएपछि फेरि सेयर बजारले समय सच्याउनुपर्ने अवस्था आएको हो। तर अब नेप्सेले सातामा ६ दिन बजार सञ्चालन गर्ने भएको छ।
सोमबार बसेको नेप्सेको बैठकले सातामा ६ दिन कारोबार खुला राख्ने निर्णय गरेको हो। आइतबारदेखि बिहीबारसम्म पुरै समय ११ देखि ४ बजेसम्म कारोबार हुने छ भने शुक्रबार १ बजेसम्म मात्रै कारोबार हुने छ।
नेप्सेका सूचना अधिकारी मुराहरि पराजुलीले भने असारबाट सातामा ६ दिन नै कारोबार खुल्छ। उनका अनुसार आइतबारदेखि बिहीबारसम्म साविककै समय ११–३ बजेसम्म सेयर कारोबार हुने भएको छ । शुक्रबार भने १ बजे बजार बन्द हुने भएको छ ।
वि.सं.२०७९ जेठ ३० सोमवार १३:३४ मा प्रकाशित