काठमाडौं । काठमाडौं उपत्यका अपराध अनुसन्धान कार्यालय (सिआईबी)ले बैंकिङ्ग कसूर मुद्दामा फरार रहेका व्यक्तिलाई पक्राउ गरेको छ ।
प्रहरीले चितवन जिल्ला खैरहनी न.पा.वडा नं. ४ बस्ने वर्ष ३५ को धनबहादुर तामाङलाई पक्राउ गरेको हो ।
उच्च अदालत पाटनले तामाङलाई २०७७ पुस ७ गते बैंकिङ कसूर मुद्दामा १३ लाख जरिवाना र ६ दिन कैद सजाय सुनाएको थियो । त्यस यता उनी फरार रहेका थिए ।
निजलाई आज असार ६ गते चितवन खैरहनी बाट, पक्राउ गरि थप अनुसन्धानका लागि आजै जिल्ला अदालत चितवनमा उपस्थित गराईएको हो ।
वि.सं.२०७९ असार ६ सोमवार १४:५८ मा प्रकाशित
