काठमाडौं । बिहीबार पनि सेयर बजारमा भारी गिरावट आएको छ । आज बजार ४५.२५ अंकले घटेको हो ।
उक्त दिन बजार परिसुचक १८४८.२८ अंकको बिन्दुमा पुगेर बन्द भएको छ । अजा सबै समूहहरु रातम्मे बनेका छन् ।
उक्त दिन कारोबार रकममा भने केही सुधार देखिएको छ । आज १ अर्ब ४९ करोड ९७ लाख ९ हजार रुपैयाँ बराबरको सेयर कारोबार भएको हो ।
उक्त दिन सर्वाधिक सेयर कारोबार गर्नेमा तीन बैंकहरु अग्र स्थानमा देखिएका छन् । आज कुमारी बैंक, लक्ष्मी बैंक र नबिल बैंकको सबैभन्दा बढी सेयर कारोबार भएको हो ।
आज कुमारी बैंकको सबैभन्दा बढी सेयर कारोबार भएको छ । आज बैंकको ९ कारेड ५३ लाख १२ हजार रुपैयाँ बराबरको सेयर कारोबार भएको हो । बैंकको आज ४ लाख ८८ हजार १९५ कित्ता सेयर खरिदबिक्री भएको हो । बैंकको सेयर मूल्य भने प्रतिकित्ता आज १९४ रुपैयाँ कायम भएको छ ।
कारोबार रकमकै आधारमा दोस्रो स्थानमा रहेको लक्ष्मी बैंकको ६ करोड ३६ लाख ८५ हजार रुपैयाँ बराबरको सेयर किनबेच भएको छ । आज बैंकको ३ लाख २२ हजार २६८ कित्ता सेयर खरिदबिक्री भएको हो । आज बैंकको सेयर मूल्य भने प्रतिकित्ता १९८ रुपैयाँ ८० पैसा कायम भएको छ ।
यस्तै, आज नबिल बैंकको ५ करोड ५३ लाख ६९ हजार रुपैयाँ बराबरको ७३ हजारम ११९ कित्ता सेयर खरिदबिक्री भएको छ । बैंकको सेयर मूल्य भने प्रतिकित्ता ७४९ रुपैयाँ कायम भएको छ ।
वि.सं.२०७९ असार ९ बिहीवार १५:२० मा प्रकाशित