काठमाडौं । साताको अन्तिम कारोबार दिन न्यादी हाइड्रोपावर कम्पनीको सेयर मूल्यमा सकरात्मक सर्किट लागेको छ ।
उक्त दिन कम्पनीको सेयर मूल्य १० प्रतिशत अर्थात प्रतिकित्ता २४ रुपैयाँ ८० पैसाले वृद्धि भएको हो । योसंगै कम्पनीको सेयर मूल्य२७२ रुपैयाँ ९० पैसा कायम भएको छ ।
उक्त दिन सीवाईसी नेपाल लघुवित्त वित्तीय संस्थाको सेयर मूल्य पनि उच्च दरमा वृद्धि भएको छ । आज कम्पनीको सेयर मूल्य ८.२१ प्रतिशत अर्थात प्रतिकित्ता ४९ रुपैयाँ ७० पैसाले वृद्धि भएको हो । योसंगै कम्पनीको सेयर मुल्य ६५५ रुपैयाँ कायम भएको छ ।
यस्तै, आज लाइफ इन्स्योरेन्स कर्पोरेशन (नेपाल) को सेयर मूल्य पनि ७.८९ प्रतिशतले वृद्धि भएको छ । कम्पनीको सेयर मूल्य प्रतिकित्ता ८९ रुपैयाँ ९० पैसाले वृद्धि भई १ हजार २२९ रुपैयाँ ९० पैसा कायम भएको छ ।
त्यसैगरि आज राधी विद्युत कम्पनीको सेयर मूल्य पनि ७.७१ प्रतिशत अर्थात प्रतिकित्ता ३७ रुपैयाँले बढेको छ । योसंगै कम्पनीको सेयर मूल्य आज ५१७ रुपैयाँ कायम भएको छ ।
यी कम्पनीहरुसहित आज मनकामना स्मार्ट लघुवित्त वित्तीय संस्था, सानिमा जनरल इन्स्योरेन्स, नेपाल इन्स्योरेन्स, ङादी गु्रप पावर, इन्फिनिटी लघुवित्त, बरुण हाइड्रोपावर, गुहेश्वरी मर्चेन्ट बैंक एण्ड फाइनान्सका लगानीकर्ताहरुले उच्च दरमा कमाएका छन् ।
वि.सं.२०७९ असार १० शुक्रवार १३:२२ मा प्रकाशित