काठमाडौं । नयाँ आर्थिक वर्ष २०७९८० को पहिलो दिन सेयर बजारमा झिनो सुधार देखिएको छ ।
नयाँ आवको पहिलो कारोबार दिन बजार १.९३ अंकले मात्र वृद्धि भएको हो । उक्त दिन बजार परिसुचक २०११.३९ अंकको बिन्दुमा पुगेर बन्द भएको छ ।
उक्त दिन बैंकिङ्ग समूह ८.५४ अंक, ब्यापार समूह ८.५३, उत्पादक तथा प्रशोधन ४३.५५, जीवन बीमा समूह १५.२१ र लगानी समूह ०.५९ अंकले वृद्धि भएको छ । आज यी बाहेकका अन्य सबै समूह राताम्मे बनेका छन् ।
साताको पहिलो कारोबार दिन १ अर्ब २३ करोड २४ लाख ८८ हजार रुपैयाँ बराबरको सेयर खरिदबिक्री भएको हो ।
उक्त दिन सबैभन्दा बढी सेयर कारोबार अपर तामाकोशीको भएको छ । आज कम्पनीको ६ करोड ४ लाख ६६ हजार रुपैयाँ बराबरको सेयर खरिदबिक्री भएको हो ।
कारोबार रकमको आधारमा दोस्रो स्थानमा रहेको हिमालयन डिस्टीलरीको ४ करोड ७६ लाख ५८ हजार रुपैयाँ बराबरको सेयर किनबेच भएको छ ।
वि.सं.२०७९ साउन १ आइतवार १५:२५ मा प्रकाशित