काठमाडौं । आरएसडीसी लघुवित्त वित्तीय संस्थाले गत आर्थिंक वर्ष २०७८/७९ को चौथो त्रैमासिक वित्तीय विवरण सार्वजनिक गरेको छ ।
उक्त अवधिमा कम्पनीले १३ करोड ५२ लाख २ हजार रुपैयाँ नाफा आर्जन गरेको छ । जुन नाफा अघिल्लो आवको चौथो त्रैमासको तुलनामा ४८.४५ प्रतिशतले बढी हो । अघिल्लो वर्षको सोही अवधिमा कम्पनीको यो नाफा ९ करोड १० लाख ७५ हजार रुपैयाँ रहेको थियो ।
उक्त अवधिमा कम्पनीको खुद ब्याज आम्दानी र संचालन मुनाफा वृद्धिभएसंगै खुद नाफा बढ्न टेवा पुगेको हो । गत आवको असार मसान्तसम्ममा कम्पनीले २३ करोड ८२ लाख ३३ हजार रुपैयाँ खुद ब्याज आम्दानी गरेको छ । कम्पनीको यो आम्दानी अघिल्लो आवको सोही अवधिको तुलनमा भने ४६.३६ प्रतिशतले बढी हो । अघिल्लो वर्षको असार मसान्तसम्ममा कम्पनीले १६ करोड २७ लाख ६८ हजार रुपैयाँ खुद ब्याज आम्दानी गरेको थियो ।
गत आवको चौथो त्रैमासमा कम्पनीको संचालन मुनाफा पनि ४९.६५ प्रतिशतले बढेर १९० करोड ३१ लाख ४५ हजार रुपैयाँ कायम भएको छ । कम्पनीको वितरणयोग्य नाफा भने १० करोड ५८ लाख ५५ हजार रुपैयाँ रहेको छ ।
कम्पनीको चुक्ता पुँजी ८० करोड ५१ लाख ५५ हजार रुपैयाँ रहेको छ । कम्पनीले जगेडा तथा कोषमा भने २१ करोड ३ लाख ७३ हजार रुपैयाँ राखेको छ ।
उक्त अवधिमा कम्पनीको प्रतिसेयर आम्दानी पनि वृद्धि भएको छ । अघिल्लो वर्षको असार मसान्त १२ रुपैयाा ४४ पैसा रहेको यो आम्दानी गत वर्षको सोही अवधिमा आईपुग्दा भ ने बढेर १६ रुपैयाँ ७९ पैसा कायम भएको छ ।
कम्पनीको प्रतिसेयर नेवटर्थ पनि ५ रुपैयाँ ४ पैसाले वृद्धि भई १२६ रुपैयाँ पुगेको छ । उक्त अवधिमा कम्पनीले खराब कर्जा पनि घटाएर ०.४९ प्रतिशतमा झारेको छ ।
वि.सं.२०७९ साउन ३ मंगलवार १०:२५ मा प्रकाशित