काठमाडौं । आदर्श लघुवित्त वित्तीय संस्थाको सेयर कारोबार आज बुधबार पनि खुला हुन सकेन । स्पेसल प्रि ओपन सेसनमा अर्डर म्याच नभएपछि कारोबार खुला हुन नसकेको हो ।
यस सेसनमा पहिलो कारोबार भएपछि मात्र नियमित कारोबार हुनसक्ने व्यवस्था रहेको छ । कारोबार म्याचिङ नभएका कारण आज कम्पनीको सेयर कारोबार हुन नसकेको हो ।
जसको आधारमा आजदेखि नै कारोबार हुनु पर्ने थियो ।अब बिहीबार कारोबार म्याच भएपछि मात्र यसको नियमित कारोबार खुल्नेछ ।
आदर्शको चुक्ता पुँजीका आधारमा कायम २ लाख ७ हजार कित्ता सेयर सोमबार सूचीकृत भएको थियो । नेप्सेले आदर्शको ओपनिङ रेन्ज पनि तोकेको छ ।
जसअनुसार पहिलो कारोबार न्यूनतम १२२ रुपैयाँ ८८ पैसादेखि अधिकतम ३६८ रुपैयाँ ६४ पैसाभित्र रहेर हुनेछ । ‘एडीएलबी’ संकेतमा यसको सेयर कारोबार खुला हुनेछ ।
वि.सं.२०७९ साउन ४ बुधवार ११:२५ मा प्रकाशित
