काठमाडौं । श्वेत–गंगा हाइड्रोपावर एण्ड कन्स्ट्रक्सन कम्पनीको आईपीओमा आवेदन दिने आज अन्तिम मौका रहेको छ ।
कम्पनीको आईपीओमा आज साउन ८ गते बैंकिङ्ग समयसम्म आवेदन दिन सकिने छ । कम्पनीले साउन ४ गते बुधवारदेखि आईपीओ निष्काशन तथा बिक्री खुला गरेको हो ।
कम्पनीले जारी पूँजी १ अर्ब ५९ करोड ३० लाख १५ प्रतिशतले हुन आउने प्रतिसेयर १०० अंकित मूल्यका २३ लाख ८९ हजार ५०० कित्ता आईपीओ जारी गरेको छ ।
जसमध्ये १ लाख १९ हजार ४७५ कित्ता सामूहिक लगानी कोषहरुलाई र बाँकी रहेको २२ लाख ७० हजार २५ कित्ता सर्वसाधारणका लागि छुट्याईएको छ ।
कम्पनीको आईपीओमा लगानीकर्ताले न्यूनतम १० कित्तादेखि अधिकतममा १० हजार कित्ताका लागि आवेदन दिन सक्नेछन् ।
कम्पनीको आईपीओ निष्काशन तथा बिक्री प्रबन्धकमा सानिमा क्यापिटल लिमिटेड रहेको छ ।
वि.सं.२०७९ साउन ८ आइतवार ०९:२३ मा प्रकाशित