काठमाडौं । ग्लोबल आइएमई लघुवित्त वित्तीय संस्थाले गत आर्थिक वर्ष २०७८/७९ को चौंथो त्रैमासिक वित्तीय विवरण सार्वजनिक गरेको छ ।
कम्पनीले गत आवको असार मसान्तसम्ममा २५ करोड ५ लाख २२ हजार रुपैयाँ नाफा कमाएको छ । कम्पनीको यो नाफा अघिल्लो आवको सोही अवधिको तुलनामा १०.०४ प्रतिशतले बढी हो । अघिल्लो आवको असार मसान्तसम्ममा कम्पनीले २२ करोड ७६ लाख ५४ हजार रुपैयाँ कमाएको थियो ।
उक्त अवधिमा कम्पनीको खुद ब्याज आम्दानी २५.३१ प्रतिशले वृद्धि भई ५६ करोड ७८ लाख ६२ हजार रुपैयाँ पुगेको छ । अघिल्लो आवको चौंथो त्रैमासमा कम्पनीको यो आम्दानी ४५ करोड ३१ लाख ७१ हजार रुपैयाँ रहेको थियो ।
कम्पनीको संचालन मुनाफा पनि २६.९३ प्रतिशतले बढेर ३९ करोड ७६ लाख ५३ हजार रुपैयाँ कायम भएको छ । अघिल्लो आवको असार मसान्तसम्मम कम्पनीले ३१ करोड ३२ लाख ९४ हजार रुपैयाँ संचालन मुनाफा गरेको थियो ।
कम्पनीको चुक्ता पुँजी ५२ करोड २५ लाख ८९ हजार रुपैयाँ रहेको छ । कम्पनीले जगेडा तथा कोषमा भने ४६ करोड ९ लाख ९७ हजार रुपैयाँ राखेको छ ।
उक्त अवधिमा कम्पनीले खराब कर्जा पनि घटाएको छ । अघिल्लो आवको चौथो त्रैमासमा २.६६ प्रतिशत रहेको खराब कर्जा गत आवको सोही अवधिमा आईपुग्दा भने १.६४ प्रतिशतमा झारेको छ ।
यस्तै, कम्पनीको प्रतिसेयर आम्दानी ४५ रुपैयाँ ३४ पैसा र प्रतिसेयर नेटवर्थ १८३ रुपैयाँ ४२ पैसा रहेको छ ।
वि.सं.२०७९ साउन १० मंगलवार ११:५६ मा प्रकाशित