काठमाडौं । सोमबार सेयर बजार झिनो वृद्धि भएको छ । साताको दोस्रो कारोबार दिन बजार १.१५ अंकले वृद्धि भएको हो ।
उक्त दिन बजार परिसुचक २१९६.२५ अंकको बिन्दुमा पुगेर बन्द भएको छ । आज ४ अर्ब ६७ करोड ७ लाख ९८ हजार रुपैयाँ बराबरको सेयर खरिदिबिक्री भएको छ ।
उक्त दिन बुटवल पावर कम्पनीसहित ६ कम्पनीका लगानीकर्ताले उच्च दरमा कमाएका छन् । आज बुटवल पावरको सेयर मूल्य ६.९५ प्रतिशतले वृद्धि भएको छ । कम्पनीको सेयर मूल्य प्रतिकित्ता २४ रुपैयाँ १० पैसाले वृद्धि भई ३७१ रुपैयाँ कायम भएको छ ।
यस्तै, उक्त दिन सिटिजन म्युचुअल फण्ड–२ को सेयर मूल्य पनि ६.४५ प्रतिशत अर्थात प्रतिइकाई ६० पैसाले बढेको हो । योसंगै फण्डको सेयर मूल्य ९ रुपैयाँ ९० पैसा कायम भएको छ ।
त्यसैगरि उक्त दिन गुडविल फाइनान्सको सेयर मूल्य पनि उच्च दरमा वृद्धि भएको छ । आज कम्पनीको सेयर मूल्य ६.२३ प्रतिशत अर्थात प्रतिकित्ता ३४ रुपैयाँ ४० पैसाले बढेरको हो । योसंगै कम्पनीको सेयर मूल्य५८७ रुपैयाँ कायम भएको छ ।
उक्त दिन यी कम्पनीहरुसहित दोर्दी खोला जलविद्युत, एचआईडीसीएल, हिमालयन बैंक, युनाईटेड इदी मर्दी आरवि, साल्ट ट्रेडिङ्ग कर्पोरेशन, नेपाल इन्स्योरेन्स कम्पनी लगायतका लगानीकर्ताले उच्च दरमा कमाएका हुन् ।
वि.सं.२०७९ साउन १६ सोमवार १५:३१ मा प्रकाशित
