काठमाडौं । सोमबार सेयर बजार झिनो वृद्धि भएको छ । साताको दोस्रो कारोबार दिन बजार १.१५ अंकले वृद्धि भएको हो ।
उक्त दिन बजार परिसुचक २१९६.२५ अंकको बिन्दुमा पुगेर बन्द भएको छ । आज ४ अर्ब ६७ करोड ७ लाख ९८ हजार रुपैयाँ बराबरको सेयर खरिदिबिक्री भएको छ ।
उक्त दिन शिवम सिमेन्टको सर्वाधिक सेयर कारोबार भएको छ । आज कम्पनीको ३८ करोड ३१ लाख ११ हजार रुपैयाँ बराबरको सेयर किनबेच भएको हो ।
नेपाल स्टक एक्सचेञ्ज (नेप्से) का अनुसार आज कम्पनीको ४ लाख ५४ हजार १०६ कित्ता सेयर खरिदबिक्री भएको जनाएको छ ।
उक्त दिन कम्पनीको सेयर मूल्य पनि ३.६७ प्रतिशत अर्थात प्रतिकित्ता ३० रुपैयाँले वृद्धि भएको छ । योसंगै आज कम्पनीको सेयर मूल्य ८४८ रुपैयाँ कायम भएको छ ।
यस्तै, आज हिमालयन डिस्टलरी सर्वाधिक कारोबार हुने कम्पनीहरुको दोस्रो स्थानमा रहेको छ ।
आज कम्पनीको १६ करोड २७ लाख ७३ हजार रुपैयाँ बराबरको सेयर खरिदबिक्री भएको हो । उक्त दिन कम्पनीको ४१ हजार ५८९ कित्ता सेयर किनबेच भएको हो।
कम्पनीको सेयर मूल्य पनि २.७६ प्रतिशतले वृद्धि भएको छ । आज कम्पनीको सेयर मूल्य प्रतिकित्ता १०५ रुपैयाँले बढेर ३ हजार ९१० रुपैयाँ कायम भएको छ ।
वि.सं.२०७९ साउन १६ सोमवार १५:४४ मा प्रकाशित
