काठमाडौं । राष्ट्र उत्थान लघुवत्त वित्तीय संस्था गत आर्थिक वर्ष २०७८/७९ को चौंथो त्रैमासिक वित्तीय विवरण सार्वजनिक गरेको छ ।
गत आवमा कम्पनीले ६ करोड ६५ लाख २ हजार रुपैयाँ नाफा कमाएको छ । जुन अघिल्लो आवमो सोही अवधिको तुलनामा भने ४१.८१ प्रतिशतले बढी हो । अघिल्लो आवमा कम्पनीले ४ करोड ७१ लाख ९ हजार रुपैयाँ नाफा कमाएको थियो ।
गत आवमा कम्पनीको खुद ब्याज आम्दानी १६.७१ प्रतिशतले वृद्धि भई २२ करोड ८ लाख ५६ हजार रुपैयाँ पुगेको छ । उक्त अवधिमा कम्पनीको संचालन मुनाफाप १० करोड ४७ लाख ५३ हजार रुपैयाँ रहेको छ ।
कम्पनीको चुक्ता पुँजी २६ करोड रुपैयाँ रहेको छ । कम्पनीले जगेडा तथा कोष भने १८ करोड २२ लाख १२ हजार रुपैयाँ राखेको छ ।
गत आवको चौंथो त्रैमासमा कम्पनीले खराब कर्जा झिनो घटाएर १.११ प्रतिशतमा झारेको छ ।
कम्पनीको प्रतिसेयर आम्दानी पनि १ रुपैयाँ ३४ पैसाले घटेर २५ रुपैयाँ ५८ पैसा कायम भएको छ । कम्पनीको प्रतिसेयर नेटवर्थ १७० रुपैयाँ ८ पैसा रहेको छ ।
वि.सं.२०७९ साउन १९ बिहीवार ११:३९ मा प्रकाशित
