काठमाडौं । बिहीबार पनि सेयर बजारमा गिरावट आएको छ । साताको पाँचौं कारोबार दिन बजार ३८.६१ अंकले घटेको हो ।
उक्त दिन बजार परिसुचक नेप्से २१४८.१६ अंकको बिन्दुमा पुगेर बन्द भएको छ । उक्त दिन सबै समूहहरु राताम्मे बनेका छन् ।
बुधवारको तुलनामा आज कारोबार रकममा पनि गिरावट आएको छ । उक्त दिन ३ अर्ब ७६ करोड ८० लाख ७९ हजार रुपैयाँ बराबरको सेयर खरिदबिक्री भएको छ ।
उक्त दिन शिवम सिमेन्टको सर्वाधिक सेयर कारोबार भएको छ । आज कम्पनीको २५ करोड २२ लाख ११ हजार रुपैयाँ बराबरको सेयर कारोबार भएको हो ।
कारोबार रकमको आधारमा दोस्रो स्थानमा रहेको हिमालयन डिस्टीलरीको १३ करोड १७ लाख ४० हजार रुपैयाँ बराबरको सेयर खरिदबिक्री भएको छ ।
यस्तै, आज अपि पावर कम्पनीको १२ करोड ७९ लाख ३२ हजार रुपैयाँ बराबरको सेयर किनबेच भएको छ ।
वि.सं.२०७९ साउन १९ बिहीवार १५:१४ मा प्रकाशित
