काठमाडौं । मेगा बैंकले करिब पौन तीन अर्ब नाफा कमाएको छ । बैंकले प्रकाशित गरेको गत आर्थिक वर्ष २०७८/७९ को चौंथो त्रैमासिक वित्तीय विवरणले यस्तो देखाएको हो ।
गत आवमा बैंकले २ अर्ब ८३ करोड १८ लाख ६४ हजार रुपैयाँ नाफा कमाएको छ । जुन अघिल्लो आवको सोही अवधिको तुलनामा २१.७८ प्रशितले बढी हो । गत आवमा बैंकले ३ अर्ब २८ करोड ८६ लाख २९ हजार रुपैयाँ नाफा कमाएको थियो ।
गत आवमा बैंकको खुद ब्याज आम्दानीमा भने झिनो सुधार देखिएको छ । गत आवमा बैंकको यो आम्दानी २.०४ प्रतिशतले वृद्धि भई ५ अर्ब ९१ करोड १३ लाख २९ हजार रुपैयाँ पुगेको छ ।
यस्तै, उक्त अवधिमा बैंकको संचालन मुनाफा भने २५.८३ प्रतिशतले वृद्धि भई ४ अर्ब १३ करोड ७९ लाख ९६ हजार रुपैयाँ कायम भएको छ । गत आवमा बैंकको वितरण योग्य नाफा १ अर्ब ६३ करोड ६० लाख ४१ हजार रुपैयाँ रहेको छ ।
बैंकको चुक्ता पुँजी १६ अर्ब १२ करोड ४ लाख ६१ हजार रुपैयाँ रहेको छ । बैंकले जगेडा तथा कोषमा भने ६ अर्ब ८५ करोड ३९ लाख ५ हजार रुपैयाँ राखेको छ ।
बैंकको प्रतिसेयर आम्दानी पनि १ रुपैयाँ ७० पैसाले वृद्धि भई १७ रुपैयाँ ५७ पैसा पुगेको छ । बैंकको प्रतिसेयर नेटवर्थ भने १४२ रुपैयाँ ५२ पैसा रहेको छ ।
वि.सं.२०७९ साउन २२ आइतवार ११:०९ मा प्रकाशित