काठमाडौं । सोमबार सेयर बजारमा उछाल आएको छ । साताको दोस्रो कारोबार दिन बजार ५५.८८ अंकले वृद्धि भएको छ । उक्त दिन बजार परिसुचक नेप्से २०६५.८९ अंकको बिन्दुमा पुगेर बन्द भएको छ ।
उक्त दिन कारोबार रकममा पनि बढोत्तरी देखिएको छ । आज २ अर्ब ४३ करोड २९ लाख ८४ हजार रुपैयाँ बराबरको ६० लाख २६ हजार १९२ कित्ता सेयर खरिदबिक्री भएको हो ।
आज शिवम् सिमेन्टसहित तीन कम्पनीको सर्वाधिक सेयर कारोबार भएको छ । आज सबैभन्दा बढी सेयर शिवम सिमेन्टको २१ करोड २ लाख ५२ हजार रुपैयाँ बराबरको सेयर किनेबेच भएको छ ।
कारोबार रकमको आधारमा दोस्रो स्थानमा रहेको नेपाल लाईफ इन्स्योरेन्सको १२ करोड ५५ लाख ५५ हजार रुपैयाँ बराबरको सेयर खरिदबिक्री भएको छ ।
यस्तै, उक्त दिन हिमालयन डिस्टीलरीको ९ करोड ४१ लाख ४८ हजार र हिमालयन डिस्टीलरीको १० करोड ३७ लाख ७३ हजार रुपैयाँ बराबरको सेयर कारोबार भएको छ ।
वि.सं.२०७९ साउन ३० सोमवार १५:११ मा प्रकाशित
