काठमाडौं । बुधबार सेयर बजारमा झिनो अंकको गिरावट आएको छ । आज बजार ०.३६ अंकले घटेको छ । उक्त दिन बजार परिसुचक नेप्से २०४०.७० अंकको बिन्दुमा पुगेर बन्द भएको छ ।
उक्त दिन कारोबार रकममा पनि गिरावट आएको छ । आज १ अर्ब ४० करोड ५९ लाख ७४ हजार रुपैयाँ बराबरको ३४ लाख ९७ हजार ८८१ कित्ता सेयर खरिदबिक्री भएको हो ।
उक्त दिन रिडी पावर कम्पनीको सर्वाधिक सेयर कारोबार भएको छ । आज कम्पनीको १८ करोड ४३ लाख ११ हजार रुपैयाँ बराबरको सेयर कारोबार भएको छ । नेप्सेका अनुसार आज कम्पनीको २ लाख ८६ हजार ८६० कित्ता सेयर किनबेच भएको छ ।
कारोबार रकमको आधारमा दोस्रो स्थानमा रहेको शिबम् सिमेन्टको ६ करोड ९० लाख ५० हजार रुपैयाँ सेयर खरिदबिक्री भएको छ । कम्पनीको आज १ लाख २ हजार ४९१ कित्ता सेयर किनबेच भएको नेप्सेले जनाएको छ ।
यस्तै, नबील बैंकको ४ करोड २६ लाख ६५ हजार रुपैयाँ बराबरको सेयर किनबेच भएको छ । कम्पनीको आज ५३ हजार ६२२ कित्ता सेयर किनबेच भएको छ ।
वि.सं.२०७९ भदौ १ बुधवार १५:३७ मा प्रकाशित
