काठमाडौं । राष्ट्रिय स्तरका ८ वटा विकास बैंकले गत आर्थिक वर्ष २०७८/७९ को चौंथो त्रैमासिक वित्तीय विवरण सार्वजनिक गरेका छन् ।
विवरण अनुसार गत आवमा बैंकहरुले ६ अर्ब ६२ करोड ७८ लाख रुपैयाँ नाफा कमाएका छन् । जुन अघिल्लो आवको सोही अवधिको तुलनामा भने २५.९४ प्रतिशतले बढी हो । अघिल्लो आवमा बैंकहरुले ५ अर्ब २६ करोड २६ लाख ६३ हजार रुपैयाँ नाफा गरेका थिए ।
अघिल्लो आवको तुलनामा सबै राष्ट्रिय स्तरका विकास बैंकले नाफामा सुधार गरेका छन् ।
गत आवमा दुई विकास बैंक अर्ब क्लबमा प्रवेश गरेका छन् । उक्त अवधिमा मुक्तिनाथ विकास बैंक र गरिमा विकास बैंकले अर्ब बढी नाफा कमाएका हुन् ।
आज हामीले गत आवमा १ अर्ब बढी नाफा कमाए अर्थात अब्बल कहलिएका यी दुई बैंकको वित्तीय प्रगति र लाभांश क्षमता र लाभांश इतिहासको बारेका केही चर्चा गरेका छौं ।
मुक्तिनाथ विकास बैंक
मुक्तिनाथ विकास बैंकले गत आवमा १ अर्ब ३७ करोड २५ हजार रुपैयाँ नाफा कमाएको छ । जुन अघिल्लो आवको सोही अवधिको तुलनामा भने १८.४७ प्रतिशतले बढी हो । अघिल्लो आवमा बैंकको नाफा १ अर्ब १५ करोड ६४ लाख ३५ हजार रुपैयाँ रहेको थियो ।
उक्त अवधिमा बैंकको खुद ब्याज आम्दानी भने २१.०८ प्रतिशतले वृद्धि भई ३ अर्ब ३७ करोड ६५ लाख ७९ हजार रुपैयाँ पुगेको छ । बैंकको संचालन मुनाफा पनि १९.५० प्रतिशतले बढेर १ अर्ब ९६ करोड १९ लाख ८८ हजार रुपैयाँ पुगेको छ ।
बैंकको वितरण योग्य मुनाफा ८१ करोड ५९ लाख ९८ हजार रुपैयाँ देखिएको छ । गत आवमा बैंकले आफ्ना सेयरधनीहरुलाई दिन सक्ने लाभांश क्षमता भने १४.४२ प्रतिशत रहेको छ ।
बैंकको चुक्ता पुँजी ५ अर्ब ६५ करोड ७१ लाख ८० हजार रुपैयाँ रहेको छ । बैंकले जगेडा तथा कोषमा भने २ अर्ब ४४ करोड ४३ लाख ३८ हजार रुपैयाँ राखेको छ ।
बैंकको प्रतिसेयर आम्दानी झिनो वृद्धि भर्ई २४ रुपैयाँ २२ पैसा र प्रतिसेयर नेटवर्थ १४३ रुपैयाँ २१ पैसा कायम भएको छ ।
यस्तो बैंकको पाँच वर्षे लाभांश इतिहास
गरिमा विकास बैंक
गरिमा विकास बैंकले गत आवमा १ अर्ब ५ करोड ६६ लाख ५३ हजार रुपैयाँ नाफा कमाएको छ ।
बैंकको यो नाफा अघिल्लो आवको सोही अवधिको तुलनामा २६.३४ प्रतिशतले बढी हो । अघिल्लो आवमा बैंकले ८३ करोड६३ लाख १७ हजार रुपैयाँ नाफा कमाएको थियो ।
गत आवमा बैंकको खुद ब्याज आम्दानी पनि ३१.६६ प्रतिशतले बढेर २ अर्ब ६१ करोड ८ लाख २१ हजार रुपैयाँ पुगेको छ ।
गत आवमा बैंकको संचालन नाफा १ अर्ब ४९ करोड २१ लाख ६७ हजार रुपैयाँ रहेको छ । बैंकको वितरण योग्य नाफा भने ७५ करोड २ लाख ९० हजार रुपैयाँ रहेको छ । गत आवमा बैंकको लाभांश क्षमता भने १६.३८ प्रतिशत रहेको छ ।
बैंकको चुक्ता पुँजी ४ अर्ब ५७ करोड ९८ लाख ९२ हजार रुपैयाँ रहेको छ । बैंकले जगेडा तथा कोषमा भने १ अर्ब २८ करोड ३५ लाख ७७ हजार रुपैयाँ रहेको छ ।
बैंकको प्रतिसेयर आम्दानी २३ रुपैयाँ ७ पैसा र प्रतिसेयर नेटवर्थ १४४ रुपैयाँ ५७ पैसा कायम भएको छ ।
यस्तो छ बैंकको पाँच वर्षे लाभांश इतिहास
वि.सं.२०७९ भदौ ३ शुक्रवार १५:३९ मा प्रकाशित
