काठमाडौं । बरुण हाइड्रोपावर कम्पनीले हाइड्रोपावर कम्पनीले हकप्रद सेयर निष्काशन गर्ने भएको छ । कम्पनीले भोलि अर्थात भदौ ६ गतेदेखि हकप्रद सेयर निष्काशन गर्ने भएको हो ।
कम्पनीले हाल कायम रहेको १ कित्ता सेयर बराबर १ कित्ता सेयरको अनुपातमा हकप्रद सेयर निष्काशन गर्ने भएको हो ।
कम्पनीले १०० रुपैयाँ अंकित दरका २६ करोड ७९ लाख ७ हजार ५०० रुपैयाँ बराबरको २६ लाख ७९ हजार ७५ कित्ता हकप्रद सेयर जारी गर्ने भएको हो ।
हकप्रद निष्काशनका लागि कम्पनीले साउन २ गते बुकक्लोज गरिसकेको छ । यसका आधारमा साउन १ गतेसम्म नेपाल स्टक एक्सचेञ्ज (नेप्से) मा कारोबार भइ कायम सेयरधनीहरुले मात्र उक्त हकप्रदमा आवेदन दिन सक्नेछन् ।
कम्पनीको हकप्रद सेयर निष्काशन तथा बिक्री प्रवन्धकमा आरबिबि मर्चेन्ट बैंकिङ्ग लिमिटेडड रहेको छ ।
कस्तो छ वित्तीय अवस्था ?
गत आर्थिक वर्ष २०७८/७९ को चौंथो त्रैमासमा ३१ लाख ९९ हजार रुपैयाँ नाफा कमाएको छ ।
कम्पनीको यो नाफा अघिल्लो आवको सोही अवधिको तुलनामा भने ४३.४५ प्रतिशतले बढी हो । अघिल्लो आवमा कम्पनीले २२ लाख ३० हजार रुपैयाँ नाफा कमाएको थियो ।
गत आवमा कम्पनीले बिद्युत बिक्रीबाट ९ करोड ३९ लाख ८८ हजार रुपैयाँ आम्दानी गरेको छ । कम्पनीको यो आम्दानी अघिल्लो आवको तुलनामा भने ५७.२८ प्रतिशतले बढी हो ।
यस्तै, गत आवमा कम्पनीको संचालन नाफा ४ करोड ५ लाख ५५ हजार रुपैयाँ रहेको छ ।
कम्पनीको चुक्ता पुँजी २६ करोड ७९ लाख ७ हजार रुपैयाँ रहेको छ । जगेडा तथा कोषमा भने ८२ लाख २४ हजार रुपैयाँ रहेको छ ।
कम्पनीको प्रतिसेयर आम्दानी १ रुपैयाँ ३५ पैसा र प्रतिसेयर नेटवर्थ १०२ रुपैयाँ ७ पैसा रहेको छ ।
वि.सं.२०७९ भदौ ५ आइतवार १७:५४ मा प्रकाशित