काठमाडौं । आउँदो कात्तिक महिनामा पनि वाणिज्य बैंकहरूले ब्याजदर नबढाउने भएका छन् ।
नेपाल बैकर्स संघसँगको सहमतिअनुसार वाणिज्य बैंकहरूले कात्तिक महीनामा ब्याजदर नबढाउने भएका हुन् । बैंकहरुले असोजमा निक्षेपको ब्याजदर बढाएर १२.१३ प्रतिशत पुर्याएका थिए।
असोजमा बैंकहरुले ब्याजदर बढाएपछि त्यसको चौतर्फी आलोचाना हुँदै आएको थियो । ‘चौतर्फी विरोध भएपछि बैंकर्स संघको बुधबार बसेको बैठकले तत्काल बढाउन नहुने निष्कर्ष निकालेको एक बैंकरले भने ।
ब्याजदर बढाएकै भरमा निक्षेप नथपिने र अहिले बढाएको ब्याजदरले बढेको लागत आउँदो माघदेखि मात्र ब्याजदरमा जोड्न पाइने भएकाले कात्तिकमा ब्याजदर स्थिर राख्ने निष्कर्षमा बैंकहरू पुगेका हुन् ।
वि.सं.२०७९ असोज २७ बिहीवार १६:३६ मा प्रकाशित