काठमाडौं । सानिमा बैंकले आज अर्थात बुधबार (कात्तिक १६ गते) देखि संस्थापक बिक्रीमा ल्याएको छ ।
बैंकले केही सेयरधनीहरुको नाममा रहेको ५१ लाख कित्ता सेयर बिक्री खुला गर्न लागेको हो । उक्त सेयरको प्रतिकित्ता न्यूनतम भाउ १४५ रुपैयाँ तोकिएको छ ।
लगानीकर्ताले यसै मूल्यलाई आधार मानेर आवेदन दिनुपर्नेछ । यसमा व्यक्ति, कम्पनी तथा विभिन्न संघ संस्थाहरुले आवेदन दिन सक्नेछन् । कात्तिक २३ गतेसम्म आवेदन दिने म्याद रहेको छ ।
सेयर खरिद गर्न इच्छुक संस्थापकले ३५ दिनभित्र सानिमा बैंकको प्रधान कार्यालय नारायणचौर नक्साल काठमाडौंमा निवेदन दिनुपर्नेछ ।
यस अवधिमा कुनै पनि संस्थापकबाट आवेदन नपरेमा भने सर्वसाधारण लगानीकर्तालाई बिक्री खुला गरिने बैंकले जनाएको छ । यसमा न्यूनतम १० लाख कित्ताका लागि आवेदन दिनुपर्नेछ ।
वि.सं.२०७९ कात्तिक १६ बुधवार ०९:४८ मा प्रकाशित
