काठमाडौं । लाइफ इन्स्योरेन्स कर्पोरेसन (एलआइसी) नेपालले चालु आर्थिक वर्षको पहिलो त्रैमाससम्मको वित्तीय विवरण आर्वजनिक गरेको छ ।
चालु आर्थिक वर्षको पहिलो त्रैमासको अन्त्यसम्ममा ५९ लाख २९ हजार रुपैयाँ नोक्सानमा गएको छ । गत वर्षको यसै अवधिमा भने यस कम्पनीले ३ करोड १९ लाख रुपैयाँ खुद नाफा गरेको थियो ।
एलआइसीको खुद बिमा शुल्क आर्जन १४.०४ प्रतिशतले घटेर ४ अर्ब ४९ करोड रुपैयाँमा आएको छ । यता, कम्पनीले नोक्सानी व्यवस्थाका लागि पनि ५ करोड ५७ लाख रुपैयाँ छुट्याएपछि घाटा व्यहोर्नु परेको हो ।
असोज मसान्तसम्म कम्पनीको जगेडा कोष पनि ८.८५ प्रतिशतले घटेर ६० करोड ९७ लाख रुपैयाँमा सीमित भएको छ । जीवन बिमा कोषको आकार भने १६.९० प्रतिशतले बढेर ९७ अर्ब रुपैयाँ पुगेको छ ।
चुक्ता पुँजी २ अर्ब ६५ करोड ३२ लाख रुपैयाँ रहेको छ । यसको प्रतिसेयर नेटवर्थ भने १३६ रुपैयाँ ५७ पैसा छ ।
वि.सं.२०७९ कात्तिक २९ मंगलवार १२:०९ मा प्रकाशित
