काठमाडौं । आज सेयर बजारमा दोहोरो अंकको गिरावट आएको छ । उक्त दिन सेयर बजार १६.६१ अंकले घटेको हो ।
साताको चौथो कारोबार दिन नेप्से परिसुचक १९१७.२८ अंकको बिन्दुमा पुगेर बन्द भएको छ । आज सेयर बजार घट्दा अघिल्लो कारोबार दिनको तुलनामा कारोबार रकम बढेको छ ।
उक्त दिन १ अर्ब ६५ करोड ४६ लाख ६२ हजार रुपैंया बराबरको कारोबार भएको छ । आज नेप्सेमा सूचिकृत २४६ कम्पनीको ८० लाख ९२ हजार ७१९ कित्ता सेयर किनबेच भएको छ । उक्त दिन नेप्सेमा रहेको १२ वटा उपसूचक राताम्मै भएको छ ।
उक्त दिन खप्तड लघुवित्तको सेयर मूल्य ६.०९ प्रतिशत अर्थात २५ रुपैंया ३० पैसाले बढेर प्रतिकित्ता ४४० रुपैंया ५० पैसा कायम भएको छ । कुमारी धनवृद्धि योजनाको सेयर मूल्य ५.१५ प्रतिशतले बढेको छ ।
वि.सं.२०७९ मंसिर २१ बुधवार १५:०८ मा प्रकाशित
