काठमाडौं । ग्लोबल आइएमई बैंकले आफ्ना सेयरधनीहरुलाई नगद लाभांश खातामा पठाउन सुरु गरेको छ ।
बैंकको गत मंसिर २३ गते सम्पन्न वार्षिक साधारण सभाबाट पारित १०.६० प्रतिशत नगद लाभांश (कर सहित) बैंक खातामा जम्मा गरिदिएको जनाएको छ ।
बैंकले डिम्याट खातामा बैंक खाता अद्यावधिक गराएका सेयरधनीलाई मंसिर २५ गते देखि लाभांश जम्मा गर्न सुरु गरेको जनाएको छ । त्यस्तै, बैंकले नगद लाभांश खातामा नआएका सेयरधनीलाई डिम्याट खातामा बैंक खाता र प्यान नम्बर अपडेट गर्न भनेको छ ।
बैंकको मंसिर २३ गते साधारण सभाले आर्थिक वर्ष २०७८/७९ को नाफाबाट सेयरधनीलाई ३ प्रतिशत बोनस सेयर र १०.६० प्रतिशत नगद लाभांश गरी जम्मा १३.६० प्रतिशत लाभांश वितरण गर्ने प्रस्ताव पारित गरेको थियो ।
वि.सं.२०७९ पुस १० आइतवार १०:२७ मा प्रकाशित
