काठमाडौं । नेपाल स्टक एक्सचेञ्ज (नेप्से)मा नेपाल राष्ट्र बैंकको विकास ऋणपत्र सूचीकृत भएको छ । केन्द्रीय बैंकको ३ वटा विकास ऋणपत्र आज नेप्सेमा सूचीकृत भएको हो ।
राष्ट्र बैंकको २ वर्षे अवधि तथा १०.६४ प्रतिशत ब्याजदर भएको ८ अर्ब रुपैयाँको ‘२०८१ छ’ नामक ऋणपत्र, ३ वर्षे अवधि तथा १० प्रतिशत ब्याजदर भएको २ अर्ब रुपैयाँको ‘२०८२ छ’ नामक ऋणपत्र र ४ वर्षे अवधि तथा १०.९३ प्रतिशत ब्याजदर भएको ५ अर्ब रुपैयाँको ‘२०८३ ज’ नामक ऋणपत्र आज सूचीकृत भएको हो ।
वि.सं.२०७९ पुस २५ सोमवार १८:१८ मा प्रकाशित
